Naak raajat akii piffissami kingullermi apparaluttuinnarsimagaluartut, Royal Greenland aningaasarsiorluarpoq.
Ukiumi naatsorsuiffimmi 2005/2006-imi, Royal Greenland-ip aningaasat kaaviaartitai milliardit affangajaannik qaffariarsimapput.
Raajanik amerlavallaanik nioqqutissiortoqarnerata kingunerisaanik, raajat akii appariartuinnarsimapput.
- Tamannali allanngorumaarpoq. Pisisartut raajat pitsaasuinnaat pisiarerusuttalerunikkit, raajanillu nioqqutissiortut allat annaasaqaateqarlutik nioqqutissiorusunnginnertik pissutigalugu tunuaannarpata, raajat akii qaffakkumaarput, Royal Greenland taama oqarpoq.