Californiami ilisimatusarfimmi ilinniartut Alaska-miut naggueqatigiit, Inuit perusuersarfeqarniarnermikkut ajornartorsiutaat aaqqinneqarsinnaanngorlugu isumassarsisoqarsimavoq.
Taavanimi najugallit inuit 12.000-t missaanniitttut nusuttakkamik perusuersartarfeqanngillat, tassa oqaatigilluaannarlugu qattami aqunngasarput. Qattarlu ulikkaaraangat aamma sumut aninneqarnissaa ajornartorsiutigineqartarpoq eqqakkanummi aqquteqanngilaq aammalu perlukunut sukuiaaveqarani. Taamaalilluni allatut ajornartumik taavani attarpassuaqarpoq. Arnaq Davis Universitet-imi ilinniartoq perusuersarfiusinnaasumik isumassarsisimavoq, annat quullu naggorissaatitut atorneqarsinnaanngorlugit piareersisartumik isumassarsisimagami. Perusuersartarfik taamaattoq atortorissaaruteqangaatsiarpoq koruuninngorlugulu 12.000 koruunit missaanni naleqassangatinneqarluni.
Alaskami nunaqarfimmi Chefornak-imi misiliutit siulliit aallartinneqareersimasut oqaatigineqarpoq.
Isumaavorlugooq issittumi perusuersarfiit naggorissaatitut atortussanngorlugit taamaattut sanaartorneqalissasut.