Alaskami nunaqarfiit ilaanni Togiak-imi imigassartorneq inerteqqutaajuarallassaaq. Ippassaani nunaqarfimmiut qinersinerminni taamatut aalajangerput.
Togiak-imi ukiuni kingullerni 24-ni imigassanik aalakoornartunik tuniniaasinnaaneq inerteqqutigineqarsimavoq, nunaqarfimmiullu amerlanerussuteqangaatsiartut taamaattoqaannarnissaa piumasarigaat Anchorage Daily News allappoq.
Togiak-imi aalakkuttarnerujussuit uniiminissaat neriuutigalugu, borgmesterip kissaatigisimagaluarpaa aalakoornartunik tuninaaqqittoqartalernissaa, innuttaasulli amerlanerussuteqartut kissaatiginngimmassuk imigassamik ammaasoqaqqinnissaa tamanna iluatsinngitsoorpoq,.
USA-mi periarfissaavoq illoqarfiit ataasiakkaat imigassamik tuniniaasarnissamik inerteqqusiisinnaaneq, Alaskamilu illoqarfippassuit imigassamik matoqqatitsipput.