Canadami illoqarfimmi Calgary-mi sulisussaaleqipput.
Taamaammat Nunavummi suliffissaaleqisut pissarsiarineqartariaqartut, Calgary-mi kattuffik, Calgary Economic Development-mik imminut taagortoq, oqarpoq.
Illoqarfimmi Calgarymi ineriartortoqarnissaa eqqarsaatigalugu sulisinnaasunik amigaateqarpoq, Nunavummilu inuusuttut 60-80 procentii suliffissaaleqisuummata taakku pissarsiariniarneqarnissaat piumasarineqarluni.
Sulisinnaasut 90.000-it kiuni tulliuttuni tallimani amigaatigineqassapput, tamaammallu sulisinnaasunik pissarsiornissaq pisariaqassalluni, aviisi Calgary Sun allappoq.
Sulisussanik pissarsiniarnissami siunnersuutigineqartunut aamma ilaapput nunat suliffissaaleqiffioqisut, soorlu Polen, Italia Tyrkialu.