Kangilinnguani sakkutooqarfik annaassiniartariaqarsimasoq
Skrevet af Mads Lynge
14. juni 2006 17:34
Canadamiut aalisariutaani inuttaq ippassaq ualikut napparsimalermat, Kangilinnguani sakkutooqarfik annaassiniartariaqarsimavoq.
Inuttaq nissumi illuagut taqqaminik milittoormat, Nuummi nakorsat oqaloqatigineqareersullu aalajangerneqarpoq, napparsimasoq qulimiguulimmik aaneqassasoq.
Annaassiniarneq ajornartorsiutitaqanngitsumik ingerlanneqarsimavoq, ippassarlu unnukkut napparsimasoq Nuummut apuuneqarsimalluni.