Cubami parnaarussivissuarmi Guantánamomi parnaarussat tamarmik eqqartuussaanissaraluat amerikamiut illersornissamut ministereqarfianit ippassaq atorunnaarsinneqarpoq. Pentagonimiit tusagassiuutitigut nalunaarummi tamanna erserpoq, nalunaarummili oqaatigineqanngilaq sooq taama aalajangertoqarsimanersoq.
Guantánamomi parnaarussivissuaq 2002-mili atorneqalermat parnaarussanit maanna kinguleruttunit 460-init taamaallaat qulit allakkamik unnerluussummik takusaqarnikuupput.