Finlandimi angallattakkanik oqarasuaaterpassuit
Skrevet af Mads Lynge
Finlandimi oqarasuaatinik angallattakkanik qatsussilluinnarsimasut amerlasimassappata tupinnarpallaanngilaq.
Oqarasuaatit angallattakkat normuisa allattorsimaffii malissagaanni, Finlandimi inuit 5.280.000-it oqarasuaatinik angallattakkanik peqarput.
Finlandip attaveqarnermut ministereqarfia taama ilisimatitsivoq.
Finlandimi inuit 5.260.000-it missaanniimmata oqarasuaatit angallattakkat pigineqartut innuttaasut amerlassusaannut naleqqiullugit 20.000-inik amerlanerupput.
Ukioq manna qaammatini siullerni pingasuni sms’it 700 millionit sinnerlugit Finlandimiunit nassiunneqarsimapput.