Nunatta annerusumik piginnaatitaaffeqalersinnaanissaa sammivaat
Namminersornermut Inatsisissatut missingersuut, Namminersornerunermi Inatsisip taartissaa, kalaallit qallunaallu Namminersorneq pillugu isumalioqatigiivisa ullaap tungaa arfineq-appassaanik ataatsimiinnerminni Narsami oqaluuseraat.
Isumalioqatigiissitaliap siulittaasuat Jonathan Motzfeldt aperaarput, missingersuusiap suut imarinerai:
- Nunatta nunanut allanut isumaqatigiinniarsinnaanermigut piginnaatitaaffissai sammivagut, Jonathan Motzfeldt oqarpoq, nangillunilu:
- Kalaallit Nunaannut attumassuteqanngikkaluartut, nunatsinnut attuisussat, maannakkut naalakkersuisut isumaqatigiinnermikkut kisiat aaqqittaagaat maanna inatsisitigut aamma aaqqinneqarnissaat pinngitsoorani Kalaallit Nunaat tamatigut ilaatinneqartarnissaa ullaap-tungaa oqillisigalugu aallartipparput, isumalioqatigiissitaliap siulittaasua oqarpoq.
Ilaasortaasut, danskit naalakkersuisuinit sinniisut nunattalu Inatsisartuisa sinniisuisa, ualeq naallugu oqaluuseraat illersornissamut nunanullu allanut tunngasut.