Pinngitsaaliisimasoq pineqaatissinneqarpoq
13. juni 2006 05:25
Qaanaami angut sapaatip-akunnerani kingullermi pinngitsaaliilluni atoqateqarsimasutut pineqaatissinneqarpoq.
Angut apersortittumut qaaqqusaasimalluni aalakoorsimavoq. Aqqusinermilu arnaq persuttariariarlugu pinngitsaalillugu arneriffigisimavaa.
Pinngitsaaliineq marlunngormat pivoq, sakkortoqimmallu angut qaammatini qulingiluani pineqaatissinneqarsimasunut inissiisarfimmiittussanngorlugu nunatta eqqartuussivianit sisamanngormat aalajangerneqarpoq.
Angutip arnaq pinngitsaalillugu atoqatigisimallugu nassuereerpoq, pineqaatissinneqarninili pillugu suliaq naammagittaalliutigisimavaa.
- Angut Pituffimmi maanna tigummigallagaavoq, kingusinnerusukkut Ilulissanukaanneqassalluni, vicepoliti-kommissær John Hansen ilisimatitsivoq.