Irakimi Al-Qaedakkut nutaamik siuttoqalerput
Irakimi Al-Qaedakkut nutaamik siuttoqalerput. Peqqarniisaarniartartut siuttoriligaat tassaavoq Abu Hamza al-Muhajir. Irakimi Al-Qaedakkut Abu Musab al-Zarqawi siuttorisimgaluarpaat, taannali sapaatip-akunnerata siuliani USA-p saassussineratigut toqutaavoq.
Muslimit ingasaassiniat nittartagaanni tamanna atuarneqarsinnaavoq.
Irakimi sunnimuslimit 20-ugaangata ataaseq al-Qaedakkunneersuunissaa ilimagineqarpoq. Irakip premierministeria Nuri al-Maliki oqarpoq saammaasseqatigiinnissaq pillugu pikitsitsiniat immikkuualuttukkuutaat Irakip naalakkersuisuinit ataatsimeeqatiserineqassasut.
Ataatsimiinnissalli kikkunnilluunniit peqataaffigineqarsinnaassanngillat. Assersuutigalugu
Saddam Husseinimik malinnittuusimasut ataatsimeeqatigiumanagit Irakip premierministeriata Nuri al-Maliki-p oqaatigereerpaa.