Ulussaarsuaq Alberto USA-mi ippassaq atuuppoq, taamaalillutik ulussaarsuit tulleriiaalissagunarlutik-aasiit. Alberto anoraasuagaangami nalunaaquttap akunneranut kilometerinik 70-inik sukkassuseqarluni Cuba-p kippasissortaa anguvaa, ulussaarsuarli sialummik aamma malitseqarmat tamanna ajornartorsiortitsissagunaqaaq.
Cubap kippasissortaani ippassaq 50 centimeteri sinnerlugu siallerpoq, taamaalilluni sialussuarnera qarsutsinernik kinguneqarluni. Inunnik ajoqusertoqarsimanersoq nalunaarutigineqanngilaq inuilli 26.000-it qimagussorneqarsimapput.
Ulussaarsuit juunip aallaqqaataata missaaniit novemberip ulluisa 30-ata missaata tungaanut atuuttarput.
Siorna aatsaat taama amerlatigisunik ulussaarsuaqarpoq anorersuarsuit 28-t atuummata, taakkunannga 15-it ulussaarsuannguullutik.