Timmissat nappaataat inunnut tunillaassuutileratarsinnaasoq
Timmissat nualluutaat Alaskamut anngutilerunarpoq, amerikamilu oqartussat sukumiisumik tamanna tunngavigalugu misissuilerput.
Timmissat anaannik Barrowimi aamma Alaskap avannaani USA-mi nunalerinermut ministereqarfimeersut maanna katersipput.
Nutaarsiassaqartitsivik Reuters taama nalunaarpoq.
Barrow tassaavoq timmissat aallartartut uninngagallartarfiat. Timmissat Asiap Amerika Avannarliullu akornatigoortartut pingaartumik alapernaanneqarput.
Timmissat nualluutaat akiorniarlugu aningaasat atugassat koruunit 170 millionit immikkoortinneqassasut præsident Buship piumasarisimavaa.
Inuit timmissat nualluutaannik maannamut toqquteqartut 128-pput.
Taakku tamarmik timmissamit napparsimasumit tunillanneqarlutik toqupput.
Ernummatigineqarporlu inuit imminnut tunillaassuutilersinnaanerat.