Qaartartumeerinissaq niaquiinissarlu pilersaarutaasimapput
Suliaq peqqarniisaarnermut tunngasoq annertooq Canadami oqartussaasunit maanna misissuivigineqarpoq. Tassunga atatillugu inuit pasineqartut 17-t tigummineqarallarput.
Uppernarsaatit Torontomi eqqartuussivimmi naapertorlugit maanna takuneqarsinnaanngorpoq, pasineqartut ilaat – angut 19-nik ukiulik – timmisartornissamut pikkorissarnissamut najugarisamini universitetimi ingerlanneqartussamut qinnuteqarsimasoq.
Pasineqartup timmisartorsinnaanermut pikkorissarnissamut qinnuteqarsimanerata eqqaasikkaatigullusooq, ukioq 2001-mi septembarip ulluisa aqqarnganni peqqarniisaartoqarneranik. Peqqarniisaartummi timmisartut tigusarinngitsiarneranni timmisartornermut pikkorissaqqammersimapput.
Canadami unnerluussisussaatitaasut ilaatigut oqaatigaat, Ottawami Inatsisartunut qaartartumeerinissaq, aamma ministeriunerup niaquerneqarnissaa, unnerluunneqartut pilersaarusiorsimagaat.
Muslimit parnaarussat iperagaatinneqarnissaat, Canadallu Afghanistanimi sakkutuuliussaasa angerlartinneqarnissaat taamani anguniarneqarsimavoq.