Sapigallit amerlanertigut kakkilertasarput, qulliliortarput ungillerisarlutillu. Unalu oqaluttuariniagarput taama atugalinnut tusarluarnartuuvoq.
Amerika-mi pinngoqqaatinut tunngatillugu ilisimatusarfimmi aatsaat siullerpaamik qitsummik sapigalinnut ajoqutaanngitsumik ilisimatuussutsikkut nassaartoqarpoq.
Suliffeqarfik taanna Allerca-mik taaguuteqarpoq, suliffeqarfiullu taassuma taamaattunik qitsuaqqiat siulliit 2007-mi tuniniarsinnaalissavai.
Ataaserlugooq 23.000 koruunit missaanni akeqassaaq. Suliffeqarfik Allerca naapertorlugu qitsuit sapigaqartitsineq ajortut assut piumaneqarsimaqaat.
Suliffeqarfiup taamaammat naatsorsuutigaa, 2009-minngaanniit qitsuit taama ittut ukiumut 10.000-t erniortittalissallugit.