Siriusikkut tunup avannaarsuani ukiuunerani upernaakkullu nakkutilliinertik ippassaq naggaserpaat,
Upernaakkut nakkutilliineq qaammatinik tallimangajannik sivisussuseqarsimavoq.
Nakkutilliisut qimussit katillutik arfiniulisut katillugit 17.500 kilometerit januaarip 21-ianiit ippassaq ilanngullugu qimussiloorfigisimavaat.
Siriusikkut sineriak nakkutiliiffigisartagaat kangerluttarasaarpoq 2100 kilometerinillu isorartussuseqarluni.
Siriusikkut nalunaarput nakkutilliinermi nalaanni sila naatsorsuutigineqartutut allanngorarsimaqisoq, anorersuarluni persersuanngikkuni anoreqanngivilluni seqinnarittaqaluni.
Nakkutilliiffik isinnerpaagami 51-inik issisimavoq, Siriusikkullu allapput taajannarsuaq ukioq manna assut nittaattaqaluni upernarniaasaarsimasoq.
Siriusikkut nakkutilliisalerput 1952-imi pisortatigoortumik atsernerlutillu nakkutilliisalerlutik 1953-imi.