Mahmoud Abbas sioorasaarivoq
Palæstinami naalakkersuisut siulittaasuata, Mahmoud Abbasip, nunaqqatini Israelimik eqqisseqateqarnianngippata sioorasaarpai, taasisitsissutiginiarlugu.
Mahmoud Abbasip nunaqqatimi Israeli naalagaaffittut akueriumanngiinnarpassuk qaammatip tulliani taasisitsissutigeriaannaavaa.
Tassami Palæstina nunatut namminersortutut taaneqartalissappat pisariaqassaaq Israelip naalagaaffittut akuerineqarnissaa.
Januaarimi qinersineqarmat partiit akerleriit, Fatah Hamasilu, unammereeqalutik, Fatah suujunnaarsillugu ajorsartippaa, taamanilu ajugaasut tassaapput naalagaaffimmik Israelimik akuersiumanngilluinnartut.
Akersuuttoqartuaannalernera qatsussimagunarlugu nunarsuarmioqataasut Palæstinamut aningaasaliisartut tapiissutigisartakkatik unitsippaat.
Partiip Hamasip oqartussaajunnaarnissaa Mahmoud Abbasip taasisitsissutigeriaannaavaa. Israelimiut utaqqimaarput, palæstinamiullu namminneq qanoq ingerlanissartik aalajangissagaat kissaatigaat; imaanngitsorli taasinissap inernissaanut nunarsuarmioqatigiit akulersuutilissasut, taamaalippammi naalagaaffik Israel tatisimaneqalissammat.