Kujataani angallassissut nutaaq angalalerpoq
Kujataani takornarianik angalaniartunillu allanik angallassineq pitsaanerulertussanngorpoq.
Qaqortumi Sulisartut Højskoleata imaatigut angalasunut ilaasartaatitaava pingasunngornerinnakkut angalasartussaq ,”Sinniisoq”, Qaqortumiit Narsamut Narsarsuarmullu aqagu juunip arfineq-aappaanniit angallassisalissaaq.
- Danmarkimiit timmisartorsuup pingasunngornikkut tikittarnera pissutigalugu, aassaanerani misiligutigalugu ilaasartaat angalatilissavarput. Kisianni akilersinnaasutut nalilerneqarpat ukiup sinnera tamaat angalalissaaq, taama paasissutissiivoq, Sulisartut Højskoliata saaffiginnittarfianeersoq Eigil K. Davidsen.
”Sinniisup” angallassinera akilersinnaalluarnersoq paasineqariarpat aggustusip aallaqqaataaniit Qaqortumiit Narsamut uterlugulu angallassinermi saniatigut, marlunngornermi, Alluitsup Paa aqqusaarlugu, Nanortalimmukartinneqartalissaaq.
”Sinniisoq” 20-nik ilaasoqarsinnaavoq.
