Islandip ministeriunera Halldor Asgrimsson atorfimminit tunuarnialerpoq, partiimi Fremskridtspartiip (siumukarniat partiiata) Islandimi tapersersortaarukkiartuinnarnera pissutigalugu.
Kommuninut maajip 27-ianni qinersinermi Fremskridtspartiit qinersisaat siornatigut qinersinermut siulianut naleqqiullutik affaannanngorsimapput.
Islandimi ministeriunerup tunuaruni taartissaatut assut piukkunneqarpoq Islandip nunanut allanut ministeria Geir Haarde, Konservativit attaviitsuuniat naalakkersuisooqataasullu siulittaasuat.
Islandimi Altingimut 63-inik ilaasortaqartumut qinersinermi Konservativit attaaviittsuuniat 23-inik isertaqarput, Fremskridtpartiit aqqaneq-marluinnarnik isertitaqartut.
Asgrimsson Fremskridtspartiimi siulittaasuuinnassalluni nalunaarpoq.