Kinami mingutsitsineq annertusiartorpoq
Skrevet af Mads Lynge
Kinami aningaasarsiornerup annertusiartornerata malitsigisaanik suliffissuaqarfiit amerliartuinnarsimapput, mingutsitsinerlu annertusiartuinnarsimalluni.
Avatangiisit mingutsinneqannginnissaannik pisortat oqalunnerannut tamanna naapertuutinngilaq, Kinami naalakkersuisut ullumi taama allapput.
Aappaaguagu Beijingimi OL-ertoqarnissaa eqqarsaatigalugu, Kinami naalakkersuisut siunniussimagaluarpaat avatangiisit mingutsaaliorneqarnerulernissaat.
Kinami aningaasarsiorneq ukiumut 10 procentit missaanni qaffakkiartortarpoq, illoqarfiillu pingaarnersaanni Beijingimi biilit ullormut 1.000-inik amerleriartarput.