VM-mik arsarnermik unammisoqaleraangat TV qamittaqqullugu, arnat kalaallit politikkerit kajumissaaripput.
Taamatut kajumissaarineq pissuteqarpoq VM-ip nalaani anngiortumik arnanik atortittartunik pinngitsaaliinikkut Tyskland-mut eqqussuisoqarnera.
Nunani Avannarlerni Killerni arnat Inatsiaartunut ilaasortat Qaqortumi isumasioqatigeeqqammerput, tassanilu isumaqatigiissutigineqarpoq, Svenskit naligiissitaanermut ombudsmandiata Claes Bergstrøm-ip VM-mi arsarattoqarnissaanik akerliliinissamik kaammattuutaanik tapersersuinissaq.
- Ilisimaneqarpoq, timersorneq aqqutigalugu aaqqissuussisanerni annertuuni arnanik atortittartunik atornerluisarneq, taamaammat Nunani Avannarlerni Killerni arnat Inatsiaartunut ilaasortat VM-mut akerliliinissamut tapersersuipput, taama arnat Qaqortumi isumasioqatigiissimasut oqarput.
Tysklandimi VM-ertoqarnissaani atortittartut qanoq amerlatigisut tikiunneqarsimanersut iluamik ilisimaneqanngilaq, Tysklandimilu arnat peqatigiit isumaqarput atortittartut Tyskland-mut angiortumik eqqussuunneqarsimassasut 100.000-iusut.