Kalaallit Nunaat kraninut nutaanngitsunut eqqaaviuvoq
Kalaallit nunatsinni sanaartornermi kranit atorneqartartut ilaat ukiut 35-it sinnerlugit nutaanngissuseqarput, tamannalu inatsimmik nutaanngippallaamik patsiseqartoq, Sullivinnik nakkutilliisoqarfimmi sulisoq Fritz Lange oqarpoq.
Kalaallit nunatsinni kranit ikkussuunneqarnissaannut atorneqarnissaannullu nalunaarut suliffeqartitsinermut ministeriaqarfimmit atuutsinneqartoq 1972-iminngaanneerpoq.
Sullivinnik Nakkutilliisoqarfimmi atorfilik Fritz Lange oqarpoq Kalaallit Nunatsinni kranit pillugit nalunaarusiaq 1972-iminngaanneersuuvoq ullumikkut atuuttoq nunatsinni atussallugu nutaanngilivissoq.
Inatsit Danmarkimi atuutsinneqartoq 1996-imeersuuvoq. Nalunaarusiani assigiinngissut ersarinnerpaaq tassaavoq Danmarkimi nalunaarummi piumasaqaataammat kranip sananeqarneraniit ukiut qulit qaangiunnerani immikkut ittumik ilisimaarinnittumit kranip misissoqqissaarnissaa, illua'tungaatigut kalaallit nunatsinni nalunaarummi piumasaqaataasoq kranip napparneqarnerani suliffeqarfiup nammineq misissuinissaa.