Sakkutuut pissuserissaarnissamik ilinniartinneqassapput
Irakimi illoqarfiit ilaanni, Hathidami, peqqarniisaarsimaneq pissutigalugu sakkutuut nunani allaneersut assut qitiutinneqarput.
Ikinngutimik toqutaanerat pillugu, amerikamiut sakkutuui akiniaallutik inuppassuarnik toqoraasimasutut pasineqarput.
Sakkutuut aamma pissusilunneragaapput, pissuserissaarnerulernissamullu ilinniartinneqassallutik.
Sakkutuut Irakimiittut 150.000-iusut, pissuserissaarnissamut ilinniarteqqinneqassapput.
Assit seqertitakkat, ataatigullu nassuiaasersukkat, nuna tamakkerlugu sakkutooqarfinni oqartussaasunut tamanut nassiussorneqaleruttorput, taakku atorlugit sakkutuut irakimiunut sakkutuujunngitsunut pitsaasumik ileqqoqarnissaannik ilinniarteqqinneqarnissaat neriuutigineqarpoq.
- Sakkutuut kiffartuussilluarnerisa sakkutuunit allanit ikinnerusunit aserorterneqarneqannginnissaat qulakkeertariaqarparput, amerikamiut Irakimi sakkutuuinut naalakkap tullia oqarpoq. Tamannali ilumut pisinnaanersoq taassuma aamma apeqquserpaa. - Ilumut naammassineqarsinnaanersoq piareersimaffigisariaqarparput, sakkutuut ulorianartorsiortinneqaraangata sakkortuumik pisoqarsinnaanera, aamma kulturimik allarluinnarmik misigisaqartartut ilisimavarput oqarpoq.