Iranip atomip nukinga atorlugu sakkussialiornerarneqarnerata assortuussutaanerani naalagaaffiit pissaanilissuit arfinillit maanna tapersersoqatigiilerput.
Ruslandimi, Kinami, USA-mi, Tuluit Nunaanni, Frankrigimi Tysklandimilu nunanut allanut ministerit ippassaq ataatsimiipput. Eqqarsaqatigiilluarnissaq ataatsimiinnermi isumaqatigiissutigineqarpoq.
Naalagaaffiit pissaanilissuit iliuuseriniagaat pillugu Iran sapaatit-akunnerini arlalinni eqqarsarfissalerneqarpoq.
Iranimi atomip nukinga atorlugu sakkussialiortoqarnersoq ernumassutaavoq. Iranimiut ukiut pingasut sisamat qaangiuppata qaartartumik peqalereersimanissaat USA-mit eqqoriarneqarpoq.