Arnat arnaqatiminnik atoqateqartartut arnallu kisimiittut pisortat akiligaannik naartulersinneqartarsinnaanerat Folketingimi ullaaq akuersissutigineqarpoq.
Folketingimi ilaasortat amerlanerussuteqarluartut tamanna akuersissutigaat. Siunnersuut Naalakkersuisut akornanni assortuussutaangaatsiarpoq, Konservativit akerliorujussuarmata siunnersuulli saamerlernit tapersersorneqarluarluni.
Naartulersinneqartarsinnaanermut siunnersuut akuerineqarmat, Folketingip ataatsimiittarfiani Folketingimut ilaasortanit tusarnaariarsimasunillu ersaartaaterujussuarnermik kinguneqarpoq.