"Qaami"-p nersualaarneqarnera peqataasup piviusorsiorsorinngilaa

Danmarkimi kalaallinut pikkorissartitsineq ”Qaami” marsimi aallartimmat assut nersualaarneqarpoq. Tusagassiortoq Kirstine Berthelsen Qaamimi pikkorissaqataagaluarpoq, taassuma pikkorissaqataanini taamaatittariaqarsimavaa nersualaarpallaanngilaalu.

- Marsip arfernani Qaamimi aallartikkatta assut pissangavunga, kisianni pikkorissarfissatut ulloq siulleq iserfigigatsigu suna tamarmi tukattuinnaavoq assullu tujorminarluni. Taanna qaangiuppoq kisianni ullut ingerlanerini paasinarsiartorpoq neriorsuutigineqartut eqquutsinneqarneq ajortut, neriorsuutigineqartullu eqquutsinneqarneq ajormata isummerpunga tassa uppernassuseeruttoq, ullormiit ullormut aaqqissuussamik ingerlasoqanngilaq ilinniartitsisullu assut taarserarput, Kirstine Berthelsen oqarpoq. Taanna aperaarput, pikkorissaqataasunut ilumut iluaqutaassanngissorineraa.

- Naluara, kisianni uannut iluaqutaasinnaanngilaq uanga piumasaqaatikka neqeroorutigineqartunut tulluuttariaqarput. Neqeroorutigineqartut assut pitsaapput kisianni piviusut taamaannginnamik,

Kirstine Berthelsen taama oqarpoq. Pikkorissarnermut ”Qaami”-mut aaqqissuisoq Claus Ebbesen isornartorsiummut tassunga akissuteqartinniarlugu attaviginiaraluarparput, iluatitsinatali.