Kalaallit Nunaanni Aalisartut Piniartullu Kattuffianni, KNAPK-mi, pisortaq, Peter S. Olsen, qaammatit 15-t sulereerluni tunuarpoq.
Peter S. Olsen Radioaviisimut oqaluttuarpoq, tunuarnissani siulersuisullu qaammatip ataatsip matuma missaata siornali isumaqatigiissutigisimagitsik.
Erseqqissaatigaalu nammineq tunuarniuteqarsimalluni.
Tunuarnermut suna pissutaanersoq pisortap tunuartup nammineq imaluunniit KNAPK-mi siulersuisunut siulittaasup oqaatigiumanngilaat. Peter S. Olsenili oqarpoq, ataasiinnarmik peqquteqarani, arlalinnilli peqquteqarluni tunuarluni.
Aalisartut Piniartullu Kattuffianni kina pisortanngussanersoq suli oqaatigineqanngilaq.