Qeqertarsuarmi kommunaldirektøri tunuarpoq
Qeqertarsuarmi kommunaldirektøri Ove Berthelsen atorfimminit nammineerluni tunuarniuteqarsimasoq, Qeqertarsuup kommuniata nalunaarutigaa.
Ove Berthelsen upernaaq akissarsiani pigiinnarlugit suliunnaarallartinneqarpoq. Qeqertarsuarmi kommunalbestyrelse-p misissorumasimavaa, Ove Berthelsen politikkikkut aalajangigassanik qatangiinnaasarsimasoralugu.
Ilaatigut aaqqiagiinnginneq aallartippoq, Qeqertarsuarmi kommunimut qinersisoqanngitsiarnerani Qeqertarsuup kommuniani inuussutissarsiornermi pisortaq soraarmat. Taamaaleriarmat aalajangertoqarpoq atorfinnik taputartuussisoqartariaqalissasoq, ilaatigut aningaasanik akiliisitsiniarnermi pisortap atorfia taputartuunneqassalluni.
Maannalu tassa Ove Berthelsen kommunaldirektøritut atorfimminit tunuarniarluni aalajangiussivoq.
Aammattaaq Qeqertarsuarmi kommunalbestyrelsep misissuilersaarnini aamma unitsikkaa, Borgmesterimut tullersortip Bea A. Brobergip oqaatigaa.