Igalikumi isumaqatigiissutip atsiornerata kingunerisaanik tupinnaannartumik aalajangersimasunik isumaqatigiissusiortoqartalereerpoq, danskit aallartitaat oqarpoq.
- Igalikumi isumaqatigiissutip 04´-mi atsiorneqarnerata kingorna takorloorsimagaluarpara, sivisulaamik misissueqqaassalluta, taamaassimanngilarli manna suleqatigiinnissamik isumaqatigiissutit arlarllit atsiorneqareermata tupaallappunga, Danmarkimi nunanut allanut ministereqarfimmeersoq Birger Riis-Jørgensen oqarpoq.
Nunatta USA-llu akornanni timmisartuussisalernissap isumaqatigiissutigineqarnera taassuma nuannaarutigalugulu tupiginerpaavaa. Suleqatigiissitamilu naapittarnitta kingunerisaanik taama sukkatigisumik atsioqatigiittoqarpoq, Birger Riis-Jørgensen oqarpoq.
Nunatta USA-llu akornanni timmisartuussisalernissap isumaqatigiissusiorfigineranut Joint Committee iluaqutaasimasoq Air Greenlandimi pisortap uppernarsarpaa.