Timmisartoq Amerikami kilitsissiaqarfimmut CIA-mut tigusanik ilaasoqarsorineqarnerartoq nalunaaquttap akunnerini 17-ini Helsingforsip mittarfiani sooq uninngasimanersoq Finlandip naalakkersuisuisa nassuiaqquaat.
Timmisartoq taannarpiaq USA-mit Afghanistanimut, kingornalu Cubami amerikamiut parnaarussiviannut Guantanamomut tigusanik nunarputtaaq qulaallugu tigusanik angallassisimaneragaavoq.
Danskit inatsisartuini Enhedslisten sinnerlugu illersornissamut ataatsimiititaliami ilaasortap Frank Aaenip Finlandimiut iliornerat malillugu danskit naalakkersuisui USA-mut paasiniaaqquai, qisuariartoqanngippallu parnaarussat angallanneqarnerannut danskit pisooqataassanerarlugit.
Danskit naalakkersuisuisa arlaleriarlutik USA erseqqissaavigaat akuerisinnaanagu tigusanik assartuinerni silaannarmi danskit oqartussaassuseqarfiisigut angallassisarneq. Sulili tigusanik angallasisoqartarsimanersoq uppernarsineqanngilaq, timmisartullu kia piginerai.