Nunatsinni uuliasiornissap, aatsitassanillu misissuinissap, suleqatigiissutiginissaat Namminersornerullutik Oqartussat, USA-p Danmarkillu atsioqatigiissutigissavaat.
Naalakkersuisut sinnerlugit Aatsitassanut naalakkersuisoq, Jørgen Wæver Johansen, isumaqatigiissummik atsioqataassaaq, atsioqatigissallugit Danmarkimi nunatsinnilu ujarassiuutut misissuisoqarfimmit, amerikamilu aatsitassat pillugit oqartussaqarfimmit aallartitat.
Nunatsinni uuliaqarsoralugu gasseqarsoralugulu amerikamiut annerusumik misissuissallutik soqutiginnipput.
- Kanngussaap, zinkip, kuultip aligoqqiillu misissuiffigineqarnissaat aamma kissaatigineqarpoq, amerikami aatsitassat pillugit oqartussaqarfimmeersoq, amerikamiillu aallartitaq, George Coakley oqarpoq.
Suleqatigiinnissamik isumaqatigiissut Geologisk Museumimi atsiorneqassaaq.