Qitittartut alutorsaatigineqartut
Skrevet af Najaaraq Egede
Nuummi Katuami meeqqat inuusuttullu qitimmik ullumi takutitsersuarput.
Katuap inersuani issiaviit 500-t missaanniittut ulikkaarluinnarsimapput, ikinngutit, angajoqqaat aanaa-aataakkullu qitittartut 75-it takutitsineranni isiginnaariarmata.
Qitittartut Nuummi Dida’s Dansebureau-mi sungiusartartut takutippaat ullutsinni qiteriaatsit assigiinngitsorpassuit, soorlu hip-hop. Meeqqat mikisut inuusuttuaqqallu qaammaterpassuarni sungiusarnerat alutorsaatigilluarneqarpoq.
Qitittarfiutilik, Dida Jensen qitinnermik ilitsersuisunit arlalinnit avataaneersunit takutitsinermut atatillugu ikiorserneqarsimavoq.