Tuluit sakkutuui qimaasut 1.000-nngorsimapput

Tuluit sakkutuui 1.000-t Irakimi sakkutuujoqqikkusunnatik sakkutuujunerminit qimaasimapput, taama nutaarsiassaqartitsivik BBC allappoq.

Irakimi sorsunneq ukiut pingasut matuma siornagulli aallartimmat tuluit sakkutuui ikinnerpaamik tusindit qimaasimapput, taamaakkaluartoq illersornissamut ministereqarfik nalunaarpoq, sakkutuujunerminnit qimaasut 1989-imili assaap inuaasut amerlatigiinnartut.

BBC-p misissuinermigut paasivaa siornaannaq qimaasimasut sulilu nassaarineqanngitsut 377-iusimasut. Ukiormanna sakkutuut qimaasut 189-inngoreersimapput.

2003-imi Irakimi sorsunneq aallartimmalli tuluit sakkutuui qimaasut 900-t missaanniittut suli tigusarineqanngillat.

Tuluit naalakkersuisui maanna inatsisissamik siunnersuuteqarput sakkutuujunerminnit qimaasut inuunermik sinnerani parnaarussaasarnissaannik imaqartumik. Tamannali tuluit inatsisartuisa parlamentip akerleraat.

Irakimi sorsunneq aallartimmalli ruluit sakkutuuliussai qimaasartut pingasoriaatinngorsimasut, inatsisartuni ilaasortaq John MacDonnell oqarpoq.