Qilalukkanik pisasseeqqissimaneq ajoqutaasinnaavoq

Arfanniartarneq pillugu Nunat Tamalaat Kommissioniat, IWC, 58-issaa juunip ulluisa 16-ianiit 20-annut ST KITTS AND NEVIS-imi Caribiamiittumi ataatsimeersuassaaq.

Ataatsimeersuarnermi annertunerusumik aappaagumut piareersarfiusussaavoq. Aalisarnermut Piniarnermullu Pisortaqarfimmi pisortap Amalie Jessen-ip ilimagaa ukioq qilalukkanik pinngortitalerisut innersuussutaanik sippuilluni pisassiisimanerup kinguneqarnerlusinnaanera.

- Ikinngutit ikinngutaanngitsullu pisassat agguaanneqannginnerini iliuuseqarfigisariaqarput, IWC-p aappaagu ataatsimiilinnginnerani, Amalie Jessen oqarpoq.

Siunertaavoq ikinnerpaamik tikaagulliit 175-it tikaagulliusaallu qulit nunatsinnut pisassiissutiginissaat.

IWC-p ilisimatusarnermut ataatsimiititaliaa ullumi ataatsiimmat, Pinngortitaleriffiup arferit kisinneqarnerannit kisitsisaatai nalilersorneqassapput.- Tamakkuuppullu paasisitsiniaanermi atugassat.

Arfanniartarneq pillugu Nunat Tamalaat Kommissioniat, IWC, nunanik 66-inik ilaasortaqarpoq.