Kangiani Qiterlermi naalagaaffeeqqami, Qatarimi, nutaamik rekordiliisoqarsimavoq – Qatar aamma tassaavoq nunarsuarmi naturgasseqarfiunerpaaq. Rekordiliiffiusoq nutaaq tassaavoq oqarasuaatip normuanik nunarsuatsinni akisunerpaamik pisisoqarmat.
Qatarip illoqarfiisa pingaarnersaanni Doha-mi, ajunngitsuliorluni aaqqissuussinermi oqarasuaatip normua taanna 16 millioni koruunililerlugu tunineqarsimavoq, tassa 2,75 millioni dollarinut.
Normu taanna tassaavorooq 666 titarneq 666 6.
Tassa 6-t arfineq-marluk. Pisisoq pisereernermi kingorna oqaaseqarusussimanngilaq, tusagassiortunit aviisiliortunillu apersorneqarusussimanngivilluni.
Ilissi apeqquteqarusukkussi immaqa nammineq sianersinnaasusi? Tassa normu 666 666 6 – misileriannguarsiuk!