Qaanaami innuttaasut ataatsimeeqatiginiarneqarput
24. maj 2006 17:18
Qaanaap kommuniata aningaasarliornera Kattusseqatigiit, IA-p Atassutillu ilaasortaatitaasa ualiartoq ataatsimiissutigaat.
-Isumaqatigiissutigineqarpoq Qaanaami innuttaasut ataatsimiisinneqarnissaat, Qaanaami Kattusseqatigiit siulittaasuata Bebiane Petersen nalunaarpoq.
Nunaqarfimmiuttaaq ornillugit paasisitsiniaaviginissaat pisariaqarsorneqarpoq.
Qaanaap borgmesteria sulinngiffeqaraluarluni ataatsimeeqataavoq. Kommunalbestyrelsemi ilaasortat suleqatigiit borgmesteri sulinngiffeqaraluartoq uteqqusimavaat innuttaasunillu ataatsimiisitseqqullugu.
Partiit suleqatigiit borgmesteri ataatsimeeqatigereerunikku qaqugu innuttaasunik ataatsimiisitsisoqarnissaa aalajangissavaat.
