Siorna Tuluit Nunaanni pinerliiniat nunap iluani qimuttuitsuni, aqqusinermilu bussini qaartartumeerisimasutut pasisat arfineq-pingasut ullaaq tigusarineranni politiit 500-t peqataapput.
Tuluit Nunaanni illoqarfissuarni Manchesterimi Liverpoolimilu qaartartumeerisimasutut pasisat kingulliit tigusarineqartut unnerluutigineqaratik inatsisit tunngavigalugit ulluni 14-ini tigummigallagassanngortinneqarput.
Juulip arfineq-aappaani qaartartumeerineq inuit 52-it inuunerinik akeqarpoq. Imminuujutigalutik qaartartumeerisut sisamat islamimik upperinnittut saniasigut tigusanut arfineq-pingasunut tunngassuteqartunik tuluit politiivi paasissutisseerusuppallaanngillat.