Septembarip 11-ani 2001-mi USA-mik saassussisaqattaarnernut Zacharias Moussaoui peqataasimanngitsoq, al-Qaedap siuttuata, Osama bin Laden-ip oqaatigaa.
Zacharias Moussaoui kisiartaalluni USA-p eqqartuussiviini, taamani saassussisimanernut saassusseqataasimasutut pisuutinneqarluni eqqartuussaasimavoq.
USA-mi World Trade Centerip Pentagon-illu saassunneqarnissaannut, inuit kikkut saassussisuussanersut Osama bin Laden-ip nammineerluni toqqarsimagini oqarpoq, Zacarias Moussaoui-lu taakkununnga ilaannginnerarpaa.
Taamatut saqqummiisoqarnera pivoq ippassaq internetti aqqutigalugu videoliatigut paasissutissiinikkut.
Zacharias Moussaoui eqqartuussivimmi qanittukkut pisuutinneqarpoq, inuunermilu sinnerani paarnaarussassatut pineqaatissinneqarluni.