Issittumi timmissat napparsimanersut misissuisorneqassaaq

Timmissat nappataata navianarluinnartup Alaskamut anngussimanissaa ernummatigineqalermat Alaskami ilisimatuut timmissanik misissuilerput.

Timmissat nuttartut 75.000-it 100.000-illu akornanniittut timmissat nappaassuannit H5N1-mit tunillanneqarsimasorisat USA-mi naalagaaffinni assigiinngitsuni misissuiffiginissaat siunniunneqarpoq.

Oqaatigineqarpoq Alaskami timmissat 15.000-it missaanniittut misissuiffigineqassasut.

Timmissat nuttartut ilaatigullu kangiani Asiameersut erniorfimminnukaasartut Alaska aqqussuaraat.

Alaskami timmissanik misissuinermi qalut atorneqassapput, tigusiffigineqareeraangata tingitinneqaqqittassallutik.

Timmissat nappaassuata nunatsinnut anngussinnaanissaa piareersimaffiginiarlugu Namminersornerullutik Oqartussat pilersaarusiornertik naammassilerpaat.

-Pilersaarut piareerpat timmissanik nammineq toqusimasunik nassaaraangatta qanoq iliornissaq pillugu ilisimatinneqassasugut, Namminersornerullutik Oqartussat ilisimatitsitsipput.

Timmiaruartorneq navianartoqanngitsoq erseqqissaatigineqarpoq.