Danmarkip kujasissuani, Tønder-sag-imik taaguuserneqartumi, niviarsiaqqamik aqqanilinnik ukiulimmik kinguaassiutitigut atornerluisarsimasutut pasisat angutit pingasut, eqqartuunneqareersut saniasigut, tigusarineqarsimapput.
Suliami annertuumi angutit arfineq-pingasut maannamut eqqartuussaareerput.
Angut 65-nik aamma 45-nik ukiullit kannguttaalliorsimasutut ukiuni marlunni qaammatinilu pingasuni parnaarussaasussanngorput, angullu alla 49-nik ukiulik ukiuni marlunni parnaarussaassaaq. Angut 37-nik ukiulik uppernarsaatit amigarmata iperagaavoq.
Eqqartuunneqartut tamarmik niviarsiaqqamut 60.000 kr.-nik taarsiisussanngortinneqarput.
Angutit pineqartut niviarsiaqqamik atornerluisarsimanerinik video iluaqutsiullugu apersuinerit, eqqartuussinermi angutit illersuisuisa akerliuffigigaluaraat, eqqartuussinermi naliliisussat niviarsiaqqap nassuiaaneri uppernarsaatitut akueraat.
Niviarsiaqqap angajoqqaavi aamma unnerluutigineqassapput. Angutaa panni angutinut kinguaassiutitigut atorneqaqqullugu pilerisaarisarsimavoq.