Islandimiut naatitartorpallaanngillat
Naatitartortarneq peqqinnartuuvoq!
Meeqqalli inuusuttullu ilaat immaqa taama isumaqanngillat.
Islandimi Peqqinnissaqarfik assigiinngitsunik misissuisitsisimavoq, tamaanilu meeqqat inuusuttullu naatitartortortuunngitsut misissuinermi paasinarsisimalluni.
Nunanut Europameersunut allanut naleqqiutissagaanni, Island tassaavoq naatitartorfiunnginnerpaat ilaat.
Ullormut qanoq annertutigisumik naatitartortaraanni peqqinnerunissaq nakorsat – tamakkuninngalumi ilisimasallit allat – kaammattuutigiuartarpaat, ullormulli kaammattuutaasartut affaannaat Islandimi meeqqat inuusuttullu nerisarsimavaat. Aalisakkat, taamatulli aamma peqqinnartigisut, aamma mamarineqanngillat, taamaammat meeqqat inuusuttullu vitamininik assigiinngitsunik amigaateqaqalutik.
Misissuinermili inernerit aamma pitsaasortaqarput. Islandimi meeqqat inuusuttullu imiinnarmik imertorujussuusut paasineqarsimavoq, tassa sodavanditortorsuunatik.
