Napparsimasut katsorsartikkiartortut pillugit Demokraatit siunnersuutaat ilalernartinneqarpoq
Napparsimallutik katsorsartittartut, ilaatigut Danmarkimi Rigshospitalimi katsorsartinnerisa nalaani, ilaqutaasut ajornanginnerusumik ilaasinnaanissaat, aningaasatigullu atukkamikkut oqilisaaffigineqarnerunissaat, ullumi inatsisartuni Demokratininngaanniit apeqquteqaatigineqarpoq. Peqqissutsimut ataatsimiisitaliamut ingerlateqqinneqassasoq naalakkersuisoq Asii Chemnitz Narup neriorsuivoq, Peqqinnissamullu ataatsimiisitaliami siulittaasoq Jens Lars Fleischer ima oqarpoq.
-Suleriaaseq nalinginnaasoq atorlugu suliaq ingerlanneqartariaqassaaq. Nalilersugassat arlaqarput, soorlu aamma naalakkersuisup oqarneratut, aningaasanik naleqartussaallutik. Oqallisissiatut aatsaat saqqummiunneqanngilaq, ataatsimiisitaliamullu annguppat nalilersussavarput, aatsaallu taannarpiaq ataatsimiisitaliamut anngunneqartussanngorpoq, Peqqinnissamut ataatsimiisitaliami siulittaasoq, Jens Lars Fleischer oqarpoq.