Pisuttuarit meeqqamillu kaattumik ikiuillutit – nunarsuaq tamakkerlugu
sapaatiuppat pisussanngorlugu aaqqissuussaq – nunatsinni aamma ingerlanneqartussaq - taama taaguuteqartinneqarpoq.
Nunani 110-ni, sumiiffinnilu 386-ini, aaqqissuussineq taaguutilik Walk the World Nuummi aamma sapaatiuppat ingerlanneqassaaq.
Naalagaaffiit Peqatigiit kaannermut akiuiniaqatigiiffiata, World Food Programme-p, aaqqissuutaata, Walk the World-ip, oqariartuutigaa, nunarsuatsinni meeqqat kaattut 300 millioniusut maluginiarneqarnerulernissaat.
Nuummi sapaatiuppat pisoqatigiinnissaq, Katuap eqqaanit nalunaaqutaq ataatsimut aallartittussaq, nalunaaquttap akunnerinik pingasunik sivisussuseqassasoq naatsorsuutigineqarpoq.
Kaannermut akiuiniarnermut pisoqataarusukkaanni, ikiuerusullunilu, paasissutissat annertunerusut uani pissarsiarineqarsinnaapput: fighthunger.org.