Tupinnaqaaq naamasaqaannarluni nassaarniallaqqinneq.
Tuluit Nunaanni nittartakkat ilaanni Comon-imi atuarneqarsinnaavoq, qimmit labrador-inik taaneqartartut marluk allakkanik poortukkanilu nuuteeraqarnersoq naamasinnaanngortillugit sungiusarneqarsimasut.
Qimmit taakku qaammatini arfineq-pingasuni sungiusareerlutik iluatsittumik DVD-nik naamasaqarsinnaalersimapput.
Uggornartumilli DVD-t unioqqutitsinani immiussat kisiisa nassaarisimavaat. Sungiusarnerullu tassa sanngeequtaa: DVD-nut piginnittussaatitaanermik uppernarsaatit amigaatigineqartut tipeqanngimmata.
DVD-nik unioqqutitsilluni assilillugit immiussanik akiuiniaqatigiiffik FACT qimmit sungiusarnerinut aaqqissuisuuvoq. Tuluit Nunaannut unioqqutitsilluni immiussarpassuit eqqunneqartarput, anngiortumillu aqqusiniinnarni tuniniarneqartarlutik.