Aappariit Nanortalimmiut arnamik 22-nik ukiulimmik pinngitsaaliisimasutut eqqartuunneqarput. Pinngitsaaliineq pisimavoq februaarip qaammataani, nuannattoqareernerata kingorna nangikkiartoqartillugu.
Eqqartuussinermi arnaq 38-nik ukiulik qaammatini pingasuni isertitsivimmiittussanngorlugu eqqartuunneqarpoq, uialu 40-nik ukiulik qaammatini qulini isertitsivimmiittussanngortitaavoq.
Pisimasup paasiniaaviginerani aappariit tigummigallagaasimammata arnaq qanittukkut anisinneqartussaassaaq.
Aappariit pineqaatissinneqarnerminnut suliassanngortitseqqinnissaminnut sapaatip akunneri marluk periarfissaraat, unnerluussisuusut soorlu aamma taama periarfissaqartut, Søren Jæger politimestereqarfimmit nalunaarpoq.