Naligiissitaaneq Savalimmiuni qangatut ippoq

Angutit arnallu suliarisartagaat qangaanerusoq immikkoortilluarneqartartut Savalimmiuni suli malunnarluartut, Naligiissitaanermut Savalimmiuni Siunnersuisoqatigiit sinnerlugit Gallupip misissuisitsinerata ersersissimavaa.

Angerlarsimaffinni suliassat arnanut angutinullu immikkoortiterluaqqissaarneqartarput.

Arnat savalimmiormiut pingaarnertut suli suliassaraat eqqiaaneq errorsinerlu, kiilerimi iluarsaassineq, biilinik iluarsaaneq assigisaallu angutit suliassaralugit.

Inuusukaarnerittaaq akornanni suliassat agguataarneqartarneri suli malunnarput.

- Arnaq angerlarsimaffimmi torersaasussaavoq. Angut kiilerimi iluarsaassissaaq. Arnap errortassat isumagissavai, manissaassaaq, alersinik ilaartuissaaq attasersuissallunilu. Iluarsaatassat annikinnerit angutip suliarissavai. Inip pequsersornissaa, sikaavik sumiissanersoq arnap aalajangersussavaa. Sikaavilli angutip nammineq isummani malillugu allarluinnarmut immaqa nuussavaa, Naligiissitaanermut Siunnersuisoqatigiit misissuinermut atatillugu tikkuaapput.

Meerarisanik agguaqatigiissillugu paaqqutaqarluartarneq, meeqqat sapinngisamik sunut tamanut peqataatinnissaat, eqqarsaatigalugit, angutit arnallu Savalimmiuni naligiinnerusut Naligiissitaanermut Siunnersuisoqatigiit oqaatigaat.