Savalimmiuniit Danmarkimut timmisartuussisartoq Atlantic Airways ukiup aappaata qeqqa kisiartaalluni ingerlatsereerluni maanna unammillerteqartussanngorpoq.
Unammillertaalu tassaavoq Faroe Jet, taanna ataasinngorpamiit timmisartuussilluni aallartissaaq Atlantic Airwaysip timmisartuutaata asseqqissaavanik timmisartuuteqarluni.
Faroe Jet 25 mio.-inik naleqarpoq, oqaatigineqarporlu ingerlatsiviit arlallit inuillu ataasiakkaat katillugit 932-t timmisartuutileqatigiiffimmut tassunga piginneqataasut.
Faroe Jet aallaqqaammut ullut tamaasa Savalimmiuniit Københavnimut timmisartuussisassaaq. Juunili naalerpat ullormut marloriartalissalluni.
Atlatic Airwaysimullu sanilliullugu allaanerussutigaa siumuinnaq bilitsit kisiisa tuniniaramikkit, unnialugooq inuppassuit bilitsisereersimasut.