Atuisut siulersuisoqalissapput

Siunissami kommunit aaqqissuuteqqinneqarnissaanni atuisut siulersuisussaat nunaqarfinni siulersuisunut taartissatut naammattut, KANUKOKA-p pisortaata, Martha Labansenip oqaatigaa. Taanna isumaqarpoq nunaqarfinni aqutsisut tiguminiinnartariaqanngitsut.

- Nunaqarfinni siulersuisut ullumikkutut ataannassappata, taava putoqalissaaq illoqarfinni kommunalbestyrelseqarfiusimasuni nunaqarfinni aqutsisoqannginnami. Taamaattumillu siunissami nunaqarfinni aqutsisut aamma qinerneqartassappata, taava illoqarfinni anginerusuni taakkunanngaanniit taava qinikkatigoortumik soqanngitsoq taamaalilluni taava ippinnaatit ilagissavaat. Uanili innersuussutigisatsinni kommunalbestyrelse-t taamatut tunaartat aammalu sinaakkutassat aalajangeriarlugit taava taamaalillugu innuttaasut annertuutigut sunniuteqartissinnaavaat taamaalillunilu aamma innuttaasut oqartussaaffilerlugit, KANUKOKA-p pisortaa, Martha Labansen, Aaqqissuusssaanermut Isumalioqatigiissitat atorunnaareersut siulittaasuat, taama oqarpoq. Isumalioqatigiissitat siunnersuutigaat, aaqqissuuteqqinneqarnermut atatillugu kommunit 18-iusut sisamaannanngortinneqassasut.