Avannaarsuani sikup aakkiartuinnarnera pissutaalluni,
Svalbard-ip eqqaani qeqertaq nutaaq nuisalersimasoq, Avisi Aftenposten allappoq.
Qeqertaq nuisalersimasoq arsaartarfissuartut angissuseqartoq, Tuluup eqqumiitsuliortup piginerarpaa.
Eqqumiitsuliortoq Alex Harvey qeqertamik piginnittuunerartoq oqarsimavoq, qeqertaq Nymark-imik atsikkani naalagaaffeeranngortinniarini, qeqertamillu piginnittuunini naqissusertinniarlugu, norskit guvernørianut allagaqarsimavoq.
Eqqumiitsuliortup piumasaa akuerineqassanersoq qularnarpoq norskimmi Polarinstitutiat nalunaarpoq, qeqertaq pineqartoq 2002-mili nassaarisimagitsik, sulilu atserneqarsimanngitsoq.
Sikuiuitsuusimasumi qeqertaq pineqartoq Norgep naalagaaffianiimmat taamaalilluni Norgemit pigineqartoq erseqqissaatigineqarpoq.