Killilersugaanngitsumik Niueqatigiinnissaq pillugu Europami EU ilaasortaanngitsut Suliniaqatigiiffiannut, EFTA-mut, Savalimmiormiut ilanngutissappata, nunatta malinnaalluni ilaanngunnissaa pisariaqanngilaq, taama oqarpoq aningaasaqarnermut nunanullu allanut Naalakkersuisoq, Josef Motzfeldt.
Savalimmiormiut pilersaarutaat Josef Motzfeldt-ip ilisimaqqissaannginnerarpai, naalagaaffeqatigiilli ukiaru ataatsimiilerpata, ilisimatinneqarnissi naatsorsuutigaa.
Savalimmiuni lagmandi, Joannes Eidesgaard ippassaq oqarpoq EFTA-mut ilaasortanngorneq EU-mik oqaloqateqarsinnaanermut iluaqutaasinnaasoq.
EFTA-mi Islandip siulittaasuuffiani ilaasortaapput Norge, Liechtenstein aamma Schweiz. Savalimmiormiut EFTA-mut ilanngunnissaannut Islandimiut tapersersuinerarput.