Kalaallit erinarsoqatigiivi Danmarkimi najugaqartut Aavaat, inuit issittormiut kattuffiata Alaskami aasaru ataatsimeersuarnissaannut peqataanngitsuulerunarput aningaasassaaleqineq pissutigalugu.
Aavaat ukiuni qulinngortorsionermini aningaasanik 50.000 koruuninik tunineqarpoq, taakku Alaskaliarnissamut atorneqassapput.
Angalanissamut aningaasartuutissat sinneri Aavaat-p nammineq matussuserniarpai, angalanermili aningaasartuutissanut allanut inorsittoorluni.
Aavaat 27-inik inuttallit ICC-p ataatsimeersuartarnerinut 1998-imiilli peqataasalersut aasartinnagu aningaasanik 50.000 koruuninik pissarsisinnaagunik erinarsortartunik qulinik Alaskamut angalatitsisinnaassasut, Aavaat-p siulittaasua Carsten Siegstad oqarpoq.
Aavaat Alaskami ataatsimeersuarnissamut tamarmiullutik peqataanissaat pilersaarutaagaluarpoq.